即係其實你煩唔煩既呢？

（以下港語。）

我其實好介意浪費我既生命黎同你玩，但你真係好＿煩囉

話又唔係未話過，講得多我又厭，睇緊呢邊既其他人又厭。
即係我唔明你呢種巴膠咩心理囉。拿，巴膠呢個稱呼，只係因為你係巴迷圈既人，你既膠力同一般Ｘ登所指果種無乜分別。
其實佢D膠野都寫哂上evchk，但佢重煩緊我，我依然重有火噴.

巴迷圈有D人，專門報D巴士上咩廣告，貼上個forum度。
姑勿論我有無興趣理邊個打邊個報啦。
有條唔知係咪上網留意開幾個資深巴迷就當人地係大佬既傻仔（其實人地九成無當佢係0靚？不過有佢呢種膠人又開始覺得有膠大佬都唔出奇），見人地係一個forum報廣告就不具名抄哂去另一個forum。
人地咁0岩係另一forum做版主，照規矩ban 9左佢，佢就走去PM版主大人恐嚇人地，話版主同班大佬「爭飯食」（佢班大佬唔報廣告就無飯開？），叫人地唔好再報廣告，唔係就報一次抄一次喎～恐嚇到上人地xanga添（（咁佢又真係講得出膠得到，抵讚）

呢種膠力唔使做巴迷都睇得出。
就算我識唔識佢都好，有證有據，我心癮起好難唔出手咁解姐。

編輯戰都費事講，玩到上我evchk對話頁添，而家殺到上我主條目添喇。
不過睇死呢條毒＿都係死字盲一條。
開個自＿留言版，拎版主個ID做訪客名發揮膠力「留言」，自己就用留言版版主身份覆個留言＿一餐，同買個吹氣公仔返黎＿就以為自己＿左個真人有異曲同工之妙。
之後又聲稱起到人底，話人地讀王仲銘喎。
呢單咁既膠野我寫左上網典，之後條友改左網典入面描述事件果句（即係並非原文）做余近卿。與事實不符丫嘛。條友係度狂回退，話我死都寫係王仲銘即係心虛喎～寫事實都唔得咩（篤手指）

又話我幫住男朋友喎（識我真人既各位shock死左未？！）
同D膠人玩一次就就識一條仔／女，我會唔會俾人話濫交（朋友）*sosad*

佢計計埋埋係版主／我對話頁／我主條目玩左唔知有無五十次......
遲早全個evchk咁多頁都會充滿佢既膠力= =

訓啦＿頭（揮手icon）。
咩年代呀，重以為自己攤個IP出黎「匿名」亂寫亂作會著數D......
得D出黎行唔正企唔正又無網絡常識既人，先會驚自己俾人「起底」既姐。
又唔見你匿名匿咁耐真係起到人底，講野D膠力少咁D*sosad*

俾你膠改到曉飛又點姐，我回一回退又搞掂，你依然會因為你既膠留名千古。
連wikia有歷史紀錄都唔知既傻仔我真係第一次見*sosad*